Reklam

Hulusi Akar: “Kandildə terrorçuların işığı sönür”

Reklam


“İraqın şimalındakı Kandil dağında terrorçu PKK qruplaşmasının düşərgəsinin işıqları sönür”.

Bunu Türkiyənin milli müdafiə naziri Hulusi Akar mayın 20-də jurnalistlərə bildirib.

Media nümayəndələrindən biri Türkiyə prezidenti Rəcəb Tayyib Ərdoğanın “Hədəfimiz Kandil” açıqlamasını xatırladaraq: “Bunu əməliyyatın siqnalı olaraq anlaya bilərikmi” sualını Hulusi Akar belə cavablandırıb: “Biz son terrorçunu zərərsizləşdirənədək mübarizəmizi davam etdirəcəyik. Təxminən 40 ildir uca millətimizin başına açılan bu bəladan xilas olmaq üçün ölsək şəhid, qalsaq qazi anlayışı ilə mübarizəmizi sürdürürük. Terrorçular haradadırsa, biz orada olacaq, millətimizi xilas edəcəyik. Kandilin işıqlarının söndüyünü, qaranlığa büründüyünü, terrorçuların sonlarının gəldiyini hamımız görürük. Bunu daha tez başa düşmələrini və ədalətə təslim omalarını gözləyirik”.

Hulusi Akar “Pençe Şimşek” və “Pençe Yıldırım” antiterror əməliyyatları nəticəsində bu günədək 121 terrorçunu zərərsizləşdirdiklərini deyib.

Rəy yazın