“Ekoprint” nəşriyyatında “Əlyazmaları yaşadan alim” kitabı çap edilib.

Kitab görkəmli dilçi alim, Azərbaycan Milli Elmlər Akademiyasının (AMEA) Nəsimi adına Dilçilik İnstitutunun direktoru, AMEA-nın müxbir üzvi Möhsün Nağısoylunun 70 illik yubileyinə həsr olunub.

AMEA-nın Məhəmməd Füzuli adına Əlyazmalar İnstitutundan AZƏRTAC-a bildiriblər ki, kitaba yubilyarın Əlyazmalar İnstitutunda işləyən həmkarlarının ürək sözləri və arzuları daxil edilib.

Nəşrin redaktoru və “Ön söz” ün müəllifi Könül Mirzəyeva, tərtibçi Nailə Əliyevadır.